പ്രവീണ്‍ നെട്ടാരുവിന്റെ കൊലപാതകം; പിന്നാക്ക വിഭാഗങ്ങള്‍ ബിജെപിയെ കൈവിടുന്നു

രണ്ട് ദശാബ്ദങ്ങളായി അടക്കിവാഴുന്ന തീരദേശ മലനാടന്‍ ജില്ലകളിലെ നേതാക്കളെയാണ് പ്രതിഷേധം കൂടുതല്‍ പ്രതിരോധത്തിലാഴ്ത്തുന്നത്. ഒബിസി വിഭാഗത്തില്‍പ്പെട്ടവര്‍ക്ക് അവസരം നല്‍കാനും ഇതോടെ നേതൃത്വം നിര്‍ബന്ധിതരാകുന്നു. പ്രതിഷേധം ലക്ഷ്യമിടുന്നത് നേതൃത്വത്തത്തെയും മുഖ്യമന്ത്രി ബസവരാജ് ബൊമ്മൈയെയുമാണെന്നാണ് പാര്‍ട്ടി വൃത്തങ്ങളുടെ വിലയിരുത്തല്‍. പിന്നോക്ക വിഭാഗങ്ങളോടുള്ള അവഗണനയില്‍ പ്രതിഷേധിച്ച് യുവമോര്‍ച്ചയില്‍ നിന്ന് ചിലര്‍ രാജി വെച്ചിരുന്നു. രാജി പിന്‍വലിക്കണമെന്നാവശ്യപ്പെടുന്ന യുവമോര്‍ച്ച ദേശീയ അധ്യക്ഷനും എംപിയുമായ തേജ്വസി സൂര്യയുടെ ശബ്ദ സന്ദേശം പുറത്ത് വന്നിരുന്നു.