കൊച്ചി: ഇന്ധന വില നല്‍കാത്തതിനെക്കുറിച്ചുള്ള പരാതിയിൽ കേരള ഹൈക്കോടതിയുടെ ഉത്തരവിനെ തുടർന്ന് ചരക്കുമായി പോയ റഷ്യൻ കപ്പൽ കൊച്ചിയിൽ പിടികൂടി. യൂറോപ്യൻ രാജ്യമായ എസ്റ്റോണിയ ആസ്ഥാനമായി പ്രവർത്തിക്കുന്ന ഒരു കമ്പനിയാണ് കപ്പലിനുള്ള ഇന്ധനം നൽകേണ്ടത്. റഷ്യൻ കപ്പൽ ‘എം.വി.മയ’ കൊച്ചി തുറമുഖത്ത് വച്ച് അറസ്റ്റ് ചെയ്തു. ജസ്റ്റിസ് സതീഷ് നൈനാൻ ആണ് ഉത്തരവ് പുറപ്പെടുവിച്ചത്.
ഇന്ധന ബങ്കര്‍ വാങ്ങിയ വകയില്‍ 23,503.14 യു.എസ്. ഡോളറാണ് എസ്തോണിയയിലുള്ള കമ്പനിക്ക് നല്‍കാനുള്ളത്. ഈ തുക 18.68 ലക്ഷം ഇന്ത്യൻ രൂപയ്ക്ക് തുല്യമാണ്. കപ്പല്‍ കൊച്ചി തുറമുഖത്ത് അടുക്കുന്നതായി അറിഞ്ഞ് മുതിര്‍ന്ന അഭിഭാഷകന്‍ വി.ജെ. മാത്യു വഴി ഹൈക്കോടതിയില്‍ അഡ്മിറാലിറ്റി സ്യൂട്ട് ഫയല്‍ ചെയ്യുകയായിരുന്നു. അന്താരാഷ്ട്ര സമുദ്ര നിയമം അനുസരിച്ച്, കപ്പൽ സ്ഥിതി ചെയ്യുന്ന തുറമുഖത്തിന്‍റെ കോടതിയിൽ ഇത്തരം ഹർജികൾ ഫയൽ ചെയ്യാം.
റഷ്യൻ കപ്പൽ തുറമുഖത്ത് നിന്ന് അറസ്റ്റ് ചെയ്യപ്പെട്ടു, പക്ഷേ നാവികസേനയ്ക്കായി കൊണ്ടുവരുന്ന സാധനങ്ങൾ ഇറക്കുന്നതിന് യാതൊരു നിയന്ത്രണവും ഉണ്ടായിരുന്നില്ല. റഷ്യൻ-ഉക്രൈൻ യുദ്ധം ഇന്ധന വില നൽകുന്നതിൽ നിന്ന് തങ്ങളെ തടഞ്ഞതായി കപ്പൽ ഉടമകൾ പറഞ്ഞു. എസ്റ്റോണിയയിലെ കമ്പനിക്ക് ഇന്ധനം നൽകുകയോ തത്തുല്യമായ തുക ഹൈക്കോടതിയിൽ കെട്ടിവയ്ക്കുകയോ ചെയ്താൽ മാത്രമേ കപ്പൽ വിട്ടുനൽകൂ.