മംഗളൂരു : ബഹ്റൈനിൽനിന്ന് മംഗളൂരു വിമാനത്താവളം വഴി സ്വർണം കടത്താൻ ശ്രമിച്ച കേസിൽ അറസ്റ്റിലായ ആളെ ഭാര്യയെത്തി ജാമ്യത്തിലെടുത്തു. ഞായറാഴ്ച വൈകിട്ട് വന്ന എയർ ഇന്ത്യ എക്സ്പ്രസ് വിമാനത്തിലെ യാത്രക്കാരനായ ബൈന്തൂർ സ്വദേശി ഫയാസ് അഹമ്മദിനെ(49)യാണ് മംഗളൂരു കസ്റ്റംസ് അധികൃതർ അറസ്റ്റ് ചെയ്തത്. ഇയാളിൽനിന്ന് 736 ഗ്രാം സ്വർണം പിടിച്ചെടുത്തു. ഇതിന് ഇന്ത്യൻ വിപണിയിൽ 37,16,800 രൂപ വിലവരും.