തൊഴിലില്ലായ്മ പ്രശ്നം ചൂണ്ടിക്കാട്ടി കശ്മീർ മുതൽ കന്യാകുമാരി വരെ പദയാത്ര നടത്താൻ കോൺഗ്രസ്

കോൺഗ്രസിന്‍റെ യൂത്ത് കമ്മിറ്റിയും സമാന നിർദേശം മുന്നോട്ടുവെച്ചിരുന്നു. തൊഴിലില്ലാഴ്മ വിഷയം ഉയർത്തിപ്പിടിച്ച് കശ്മീർ മുതൽ കന്യാകുമാരി വരെ പദയാത്ര നടത്തണമെന്നും രാഹുൽ ഗാന്ധിയുൾപ്പടെയുള്ള നേതാക്കൾ പ്രതിഷേധത്തിൽ പങ്കെടുക്കണമെന്നും കമ്മിറ്റി നിർദേശിച്ചു. രാജ്യവ്യാപക പദയാത്രകളും പൊതുയോഗങ്ങളും നടത്തി ജനങ്ങളുമായി നേരിട്ട് ബന്ധപ്പെടാനുള്ള തീരുമാനം പാർട്ടി എടുത്ത് കഴിഞ്ഞതായി കോൺഗ്രസിലെ ഒരു മുതിർന്ന നേതാവ് മാധ്യമങ്ങളോട് പറഞ്ഞു.

കോൺഗ്രസ് അധ്യക്ഷ സോണിയ ഗാന്ധിയും രാഹുൽ ഗാന്ധിയുമുൾപ്പടെയുള്ള നേതാക്കൾ പങ്കെടുത്ത ചിന്തൻ ശിബിരത്തിൽ പാർട്ടിയിലെ മുതിർന്ന നേതാക്കൾ പ്രധാനമായും ഏറ്റെടുക്കേണ്ട വിഷയങ്ങളെന്തൊക്കെയാണെന്ന് ചർച്ച ചെയ്തു.