ന്യൂഡൽഹി: 71,000 രൂപയുടെ ആക്ടീവക്ക് 15.4 ലക്ഷം രൂപയുടെ ഫാൻസി നമ്പർ സ്വന്തമാക്കി യുവാവ്. ഛണ്ഡിഗഢിലെ ബ്രിജി മോഹൻ എന്നയാളാണ് വൻ തുക മുടക്കി നമ്പർ സ്വന്തമാക്കിയത്. സി.എച്ച്01-സി.ജെ-0001 എന്ന നമ്പറാണ് ബ്രിജി സ്വന്തമാക്കിയത്.
ഇതാദ്യമായാണ് താൻ ഫാൻസി നമ്പർ സ്വന്തമാക്കുന്നതെന്ന് ബ്രിജി മോഹൻ പ്രതികരിച്ചു. തന്റെ ആക്ടീവക്കായി ഈ നമ്പർ ഉപയോഗിക്കുമെന്നും അദ്ദേഹം പ്രതികരിച്ചു. സി.ജെ സീരിസിലെ ഫാൻസി നമ്പറുകൾക്കായുള്ള ലേലം നടന്നത് ഏപ്രിൽ 14നാണെന്ന് ഛണ്ഡിഗഢ് മോട്ടോർ വാഹന വകുപ്പിലെ ഉദ്യോഗസ്ഥൻ പ്രതികരിച്ചു.