കാഞ്ഞിരപ്പള്ളി: കുടുംബവഴക്കിനെ തുടർന്ന് സഹോദരന്‍റെ വെടിയേറ്റ് യുവാവ് മരിച്ചു. വെടികൊണ്ട മാതൃസഹോദരനും പരിക്കേറ്റു. കാഞ്ഞിരപ്പള്ളി മണ്ണാറക്കയം കരിമ്പിനാൽ രഞ്ജു കുര്യനാണ് (49 ) കൊല്ലപ്പെട്ടത്. പരിക്കേറ്റ മാതൃസഹോദരൻ കൂട്ടിക്കൽ പൊട്ടംകുളം മാത്യു സ്കറിയയെ കോട്ടയം മെഡിക്കൽ കോളജിൽ പ്രവേശിപ്പിച്ചു.
തിങ്കളാഴ്ച വൈകീട്ട് 5.30 ഓടെയാണ് സംഭവം. സ്വത്തുതർക്കത്തെ തുടർന്ന് വീട്ടിലുണ്ടായിരുന്ന പിസ്റ്റൽ എടുത്ത് ജോർജ് കുര്യൻ സഹോദരനെയും അമ്മാവനെയും വെടിവെക്കുകയായിരുന്നു എന്നാണ് വിവരം. ഊട്ടിയിലെ സ്ഥലം വിറ്റതുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്ന് അറിയുന്നു. കൂടുതൽ വിവരങ്ങൾ ലഭ്യമായിട്ടില്ല.