ദുബായ് : കൊവിഡ് നിയന്ത്രണങ്ങൾ മിക്ക രാജ്യങ്ങളും പൂർണമായും പിൻവലിച്ചതോടെ വിമാനത്താവളങ്ങളിൽ തിരക്കേറുകയാണ്. അതിനാൽ യാത്ര പുറപ്പെടുന്നതിന് മുമ്പ് നേരത്തേ തന്നെ വിമാനത്താവളങ്ങളിൽ എത്തിച്ചേരണമെന്ന് അറിയിച്ചിരിക്കുകയാണ് ദുബായ്, അബുദാബി എയർപോർട്ട് അധികൃതർ. ഗൾഫിൽ സ്‌കൂളുകൾ അടയ്ക്കുന്നതിനാൽ കുടുംബസമേതം നാട്ടിലേക്ക് യാത്ര തിരിക്കുന്ന കുടുംബങ്ങളും ഇക്കാര്യം പ്രത്യേകം ശ്രദ്ധിക്കണം. ഈ മാസം 25 മുതൽ 28 വരെയും, ഏപ്രിൽ ഏഴു മുതൽ ഒൻപത് വരെയും ദുബായ് വിമാനത്താവളത്തിൽ പതിവിൽ കവിഞ്ഞ തിരക്കുണ്ടാകുമെന്നാണ് കരുതുന്നത്.