കേരളത്തിൽ ഹിന്ദുക്കൾക്ക് പ്രവേശനമില്ലാത്ത ജില്ലയുണ്ടെന്ന പരാമർശവുമായി സ്വാമി. ബിഹൈൻഡ്‍വുഡ്സ് എയർ എന്ന യൂട്യൂബ് ചാനലിൽ നടന്ന ചർച്ചയാണ് ഇപ്പോൾ സോഷ്യൽമീഡിയയിൽ വൈറൽ. മതത്തെപ്പറ്റിയാണ് ചർച്ച. ഏത് ജില്ലയാണെന്ന് പേര് പറയണമെന്ന് ആവശ്യം ഉയർന്നപ്പോൾ മലപ്പുറം എന്ന് പറയുകയായിരുന്നു.
മലപ്പുറത്ത് ഹിന്ദുക്കൾക്ക് പ്രവേശനമില്ലെന്ന് സ്വാമി പറയുമ്പോൾ അവതാരകൻ അത് പൊളിച്ചടുക്കുന്നു. താൻ മലപ്പുറം സന്ദർശിച്ചിട്ടുണ്ടെന്നും ഈ ഷോ പകർത്തുന്ന ക്യാമറാമാൻ മലപ്പുറം സ്വദേശിയാണെന്നും അവതാരകൻ പറയുന്നു. അങ്ങനെ ഒരാൾ തന്നോട് പറഞ്ഞിട്ടുണ്ടെന്ന് സ്വാമി പറയുന്നു. നേരിട്ട് ഇക്കാര്യം ക്യാമറാമാനോട് ചോദിക്കുന്നുമുണ്ട്. അപ്പോൾ അതേ ഞാൻ മലപ്പുറമാണ്, അവിടെ ആർക്ക് വേണമെങ്കിലും പോകാമെന്ന് മറുപടി. ഈ സമയത്ത് ക്യാമറ ആ ക്യാമറാമാനിലേക്ക് തിരിയുന്നുമുണ്ട്.
ഇതോടെ വലിയ തരത്തിലുള്ള ട്രോളുകളാണ് സോഷ്യൽ മീഡിയയിൽ നടക്കുന്നത്. ‘മുകേഷിന്റെ ഒത്തില്ല’ എന്ന ഡയലോഗുപയോഗിച്ചുള്ള ട്രോളുകളാണ് കേരളത്തില്‍ കൂടുതലും.