ഓച്ചിറ: മകളെ കോളേജില്‍ നിന്നും കൂട്ടിക്കൊണ്ടു വരുന്നതിനായി പോയ അമ്മയെയും മക്കളെയും പൊലീസ് അനാവശ്യമായി തടഞ്ഞുനിര്‍ത്തിയെന്ന് പരാതി. അഫ്‌സല്‍ മണിയില്‍ എന്ന ഫേസ്ബുക്ക് പ്രൊഫൈലിലൂടെയാണ് വീഡിയോയും ഫോട്ടോകളും പങ്കുവെച്ചുകൊണ്ട് പരാതി
ഉന്നയിച്ചിരിക്കുന്നത്.
മുസ്‌ലിമായതിന്റെ പേരിലാണ് തങ്ങളെ പൊലീസ് തടഞ്ഞതെന്നാണ് അഫ്‌സല്‍ ഫേസ്ബുക്ക് കുറിപ്പില്‍ പറയുന്നത്. 65 കിലോമീറ്ററുകളും ഏഴോളം പൊലീസ് പരിശോധനയും കഴിഞ്ഞെത്തിയ തങ്ങളെ കോളേജിലെത്താന്‍ 5 കിലോമീറ്റര്‍ ദൂരം മാത്രം ബാക്കിനില്‍ക്കെ ഓച്ചിറ സ്‌റ്റേഷനിലെ പൊലീസുകാര്‍ തടയുകയായിരുന്നുവെന്ന് അഫ്‌സല്‍ പറയുന്നു.
സത്യാവാങ്മൂലമടക്കമുള്ള എല്ലാ രേഖകളും കയ്യിലുണ്ടായിട്ടും പൊലീസ് പോകാന്‍ അനുവദിച്ചില്ലെന്നാണ് പോസ്റ്റില്‍ പറയുന്നത്. മറ്റെല്ലാ വാഹനങ്ങളെയും രേഖകള്‍ പരിശോധിച്ച ശേഷം കടത്തിവിടുന്നുണ്ടായിരുന്നെന്നും ഇവര്‍ പറയുന്നു.
ലോക്ക്ഡൗണ്‍ നിയമങ്ങള്‍ ലംഘിച്ചിരിക്കുകയാണെന്ന് ആവര്‍ത്തിച്ച പൊലീസ് എന്നാല്‍ അതിന്റെ കാരണങ്ങള്‍ വ്യക്തമാക്കിയില്ലെന്നും അധികം സംസാരിച്ചാല്‍ കേസെടുക്കുമെന്ന് പറഞ്ഞ് ഭീഷണിപ്പെടുത്തുകയായിരുന്നെന്നും അഫ്‌സല്‍ പറഞ്ഞു.
https://www.facebook.com/Afsal.Manichembil/posts/3057576074559790?__cft__[0]=AZU6cxMF1ZPvZzBmURyu9GxW57cLXYYEF4K_KBEXY189SlysEBoFvRW2KAVZZzLNN7OMgCzFz26hhw2Ybvu8ICiywU_CsB0ARcaqEYWUJLSmRpVOA3FkqdyXpHxnH8qpyUgHBKQf3pLlgime2WalggR5&__tn__=%2CO%2CP-R