തിരൂർ:(mediavisionnews.in) 15 ലക്ഷം രൂപയിലധികം വിലവരുന്ന മയക്കുമരുന്നുമായി യുവാവ് തിരൂരിൽ അറസ്റ്റിലായി. കാസർകോട് മഞ്ചേശ്വരം സ്വദേശി അൻസീന മൻസിലിൽ അൻസാർ (30) ആണ് തിരൂർ പോലീസിന്റെ പിടിയിലായത്. ബുധനാഴ്‌ച പുലർച്ചെ തലക്കടത്തൂർ സലീമാ ഹോസ്‌പിറ്റൽ ജങ്ഷനിൽനിന്ന് അരീക്കാട് റോഡിൽ പടിഞ്ഞാക്കരയിൽ തലക്കടത്തൂർ സ്വദേശിയുടെ മോട്ടോർസൈക്കിളിൽ കാറിടിച്ച് അപകടമുണ്ടായെന്ന വിവരം ലഭിച്ചതിനെത്തുടർന്ന് പോലീസ് കാർ പരിശോധിച്ചു. അപ്പോഴാണ് ഡ്രൈവർ അൻസാറിൽനിന്ന് നിരോധിത മയക്കുമരുന്നുകളായ ഹാഷിഷ് ഓയിൽ, എം.ഡി.എം.എ. എന്നിവ കണ്ടെടുത്തത്.