ബിഹാര്‍: മൂര്‍ഖന്‍ പാമ്പിന് രാഖി കെട്ടിക്കൊടുക്കാന്‍ ശ്രമിക്കുന്നതിനിടെ പാമ്പിന്‍റെ കടിയേറ്റ് യുവാവിന് ദാരുണാന്ത്യം. രക്ഷാബന്ധന്‍ ദിനത്തിലാണ് അപകടം സംഭവിച്ചത്. ബിഹാറിലെ സാരണ്‍ ജില്ലയില്‍ നിന്നുള്ള മന്‍മോഹന്‍ എന്ന 26 വയസുകാരനാണ് പാമ്പുകടിയേറ്റ് മരിച്ചത്.
തന്‍റെ കൈവശമുള്ള രണ്ടു മൂര്‍ഖന്‍ പാമ്പുകള്‍ക്ക് രാഖി കെട്ടികൊടുക്കുന്നതിനിടെയാണ് യുവാവിന് പാമ്പു കടിയേറ്റത്. ബിഹാറിലാണ് സംഭവം. രണ്ടു പെണ്‍ പാമ്പുകളെ ചേര്‍ത്ത് വാലറ്റത്ത് രാഖി കെട്ടി കൊടുക്കുന്നതിനിടെ ഇയാളുടെ കാലിന് കടിയേല്‍ക്കുകയായിരുന്നു. ഉടന്‍ തന്നെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. സംഭവത്തിന്റെ വീഡിയോ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.
बिहार के सारण में बहन से साप को राखी बंधवाना महंगा पड़ गया साप के डसने से भाई की चली गई जान pic.twitter.com/675xsgnZ6N
— Tushar Srivastava (@TusharSrilive) August 23, 2021