കുമ്പള: വിദ്യാർഥിനി കിണറ്റിൽ വീണു മരിച്ചു. കുമ്പള ഹയർ സെക്കൻഡറി സ്കൂൾ പത്താംതരം വിദ്യാർഥിനിയും ആരിക്കാടി കടവത്ത് ഗേറ്റിനടുത്ത് താമസിക്കുന്ന പത്മനാഭൻ- വിമല ദമ്പതികളുടെ മകളുമായ അഷ്മിത (15) ആണ് വീട്ടുമുറ്റത്തെ കിണറ്റിൽ വീണ് മരിച്ചത്.
വ്യാഴാഴ്ച എസ്.എസ്.എൽ.സി അവസാന പരീക്ഷ കഴിഞ്ഞ് വീട്ടിലെത്തിയ കുട്ടി ഉച്ചതിരിഞ്ഞ് കുടവുമായി കിണറിനരികിലേക്ക് പോയിരുന്നു. ഏറെ നേരം കാണാത്തതിനെത്തുടർന്ന് അന്വേഷിച്ചപ്പോഴാണ് കിണറ്റിൽ വീണതായി മനസ്സിലായത്. സഹോദരൻ ഷമ്മിത്ത്.