കോവിഡ് പ്രതിസന്ധിയിൽ രാജ്യത്തെ ജനങ്ങൾ ബുദ്ധിമുട്ടുമ്പോഴും വ്യവസായി ഗൗതം അദാനിക്ക് തന്‍റെ സ്വത്ത് 50 ശതമാനം വർധിപ്പിക്കാൻ കഴിഞ്ഞതെങ്ങനെയെന്ന് കോൺഗ്രസ് നേതാവ് രാഹുൽ ഗാന്ധി. വരുമാന വർധനവിൽ ടെസ്ല സ്ഥാപകൻ ഇലോൺ മസ്കിനെയും ആമസോൺ മേധാവി ജെഫ് ബെസോസിനെയും അദാനി ഗ്രൂപ്പ് ചെയർമാൻ ഗൗതം അദാനി മറികടന്നിരുന്നു. 2021ൽ അദാനിയുടെ വരുമാനം 16.2 ബില്യൺ ഡോളറിന്‍റെ വർധനയോടെ 50 ബില്യൺ ഡോളറായി. ഇതിന് പിന്നാലെയാണ് രാഹുൽ ഗാന്ധിയുടെ പരാമർശം.
‘2020ൽ നിങ്ങളുടെ സമ്പത്ത് എത്രത്തോളം വർധിച്ചു? പൂജ്യം. എന്നാൽ, അദാനി 12 ലക്ഷം കോടി രൂപ സമ്പാദിക്കുകയും സമ്പത്ത് 50 ശതമാനം വർധിപ്പിക്കുകയും ചെയ്യുമ്പോൾ നിങ്ങൾ അതിജീവിക്കാൻ പാടുപെടുകയായിരുന്നു. എന്തുകൊണ്ടാണിതെന്ന് പറയാമോ?’ – ട്വിറ്ററിൽ രാഹുൽ ഗാന്ധി കുറിച്ചു.
How much did your wealth increase in 2020? Zero.
You struggle to survive while he makes ₹ 12 Lakh Cr and increases his wealth by 50%.
Can you tell me why? pic.twitter.com/5sW65Kx7bi
— Rahul Gandhi (@RahulGandhi) March 13, 2021