കർശനമായ നിയമങ്ങളുളളതിനാൽ പാക്കിസ്ഥാനിലെ ഹൈവേയിലൂടെ അമിതവേഗത്തിൽ പോകുന്നതിനെക്കുറിച്ച് ഓർക്കുക കൂടി പ്രയാസമാണ്. പിന്നെങ്ങനെയാണ് വീട്ടുകാരുടെ കണ്ണുവെട്ടിച്ച് പാക്കിസ്ഥാന്‍ ഹൈവേയിലൂടെ ഈ അഞ്ചുവയസുകാരൻ പായുന്നതെന്നാണ് ആൾക്കാർ ചിന്തിക്കുന്നത്. എസ്‍യുവിയിൽ വേഗത്തിൽ പോകുന്ന കുട്ടിയുടെ വിഡിയോയാണിപ്പോൾ സമൂഹമാധ്യമങ്ങളിൽ വൈറലാകുന്നത്.
ഇരുപത്തേഴു സെക്കന്റ് ദൈർഘ്യമുളള വിഡിയോയിൽ കറുത്ത ലാൻഡ് ക്രുയ്സർ വി8 ടൊയോട്ടയുടെ ഡ്രൈവിങ്ങ് സീറ്റിനു മുന്നിൽ നിന്നാണ് കുട്ടി വണ്ടിയോടിക്കുന്നത്. പാക്കിസ്ഥാനിലെ തിരക്കേറിയ ബോസൻ റോഡാണ് വിഡിയോയിൽ കാണുന്നതെന്ന് ചിലർ പറ‍ഞ്ഞു. കുട്ടിയേതാണെന്നും കുട്ടിയുടെ കാൽ പെഡലിൽ എത്തുമോയെന്നൊക്കയുളള രസകരമായ ചോദ്യങ്ങൾ കമെന്റുകളായി വന്നു. ഇത് തമാശയല്ലെന്നും ഗൗരവമേറിയ കാര്യമാണെന്നും ചിലർ പ്രതികരിച്ചു. വിഡിയോയിലെ കുട്ടിയാരാണെന്നറിയാനും മാതാപിതാക്കൾക്കെതിരെ കർശന നടപടിയെടുക്കാനും പൊലീസ് അന്വേഷണമാരംഭിച്ചു. വണ്ടിയുടെ നമ്പർ തിരിച്ചറിഞ്ഞാലുടൻ തുടർനടപടികൾ സ്വീകരിക്കാനാണ് പൊലീസിന്റെ തീരുമാനം.
A small kid driving Landcruiser in Multan ? how’s his feet even touching pedals. Whose kid is this ? pic.twitter.com/h5AXZztnYb
— Talha (@talha_amjad101) January 26, 2021