മംഗളൂരു: (www.mediavisionnews.in) കർണാടകയുടെ വിവിധ മേഖലകളിലേക്ക് വിൽപ്പനയ്ക്കായി 1.25 ലക്ഷം രൂപ വിലവരുന്ന കഞ്ചാവ് കടത്തുകയായിരുന്ന രണ്ട് മലയാളികൾ അടക്കം നാലുപേർ അറസ്റ്റിൽ.
പൈവളിഗെയിലെ മുഹമ്മദ് അർഷാദ് (26), ഉപ്പള മംഗൽപാടിയിലെ റിയാസ് (27), ദക്ഷിണ കന്നഡ പുത്തൂർ കബകയിലെ അബ്ദുൾഖാദർ ജാബിർ (23), ബണ്ണൂരിലെ അബ്ദുൾനസീർ (37) എന്നിവരെയാണ് പുത്തൂർ ടൗൺ പൊലീസ് അറസ്റ്റു ചെയ്തത്.
പുത്തൂർ സുള്ള്യ മേഖലയിൽ വിൽപനയ്ക്കായി കടത്തുകയായിരുന്ന 6.36 കിലോ കഞ്ചാവ് ഇവരിൽനിന്ന് പിടിച്ചെടുത്തു. അഞ്ച് മൊബൈൽ ഫോണുകളും കഞ്ചാവ് കടത്താൻ ഉപയോഗിച്ച രണ്ട് കാറുകളും കസ്റ്റഡിയിലെടുത്തിട്ടുണ്ട്.