മംഗളുരു: ബൈക്കോടിക്കുന്നതിനിടെ യുവാവിന്റെ ഷര്‍ട്ടിന്റെ പോക്കറ്റിലുണ്ടായിരുന്ന ചൈനാഫോണ്‍ പൊട്ടിത്തെറിച്ചു. ഇതേ തുടര്‍ന്ന് യുവാവിന് പരിക്കേറ്റു. കര്‍ണാടക ഷിമോഗ ജില്ലയിലെ തവാനന്ദിയില്‍ ബി. ശരത്തി (22) നാണ് പരിക്കേറ്റത്. തവാനന്ദിയില്‍ നിന്ന് കുഗഡ്ഡെയിലേക്ക് ബൈക്കില്‍ പോകുമ്പോള്‍ ശരതിന്റെ ഷര്‍ട്ടിന്റെ കീശയിലുണ്ടായിരുന്ന മൊബൈല്‍ ഫോണ്‍ ഉഗ്രശബ്ദത്തില്‍ പൊട്ടിത്തെറിക്കുകയായിരുന്നു. ഇതോടെ ഭയചകിതനായ യുവാവിന്റെ നിയന്ത്രണം വിടുകയും ഇരുചക്രവാഹനത്തിനൊപ്പം റോഡരികിലെ കുളത്തില്‍ വീഴുകയുമായിരുന്നു. വലതു തുടയില്‍ ഗുരുതരമായി പരിക്കേറ്റ ശരതിനെ നഗരത്തിലെ സര്‍ക്കാര്‍ ആസ്പത്രിയില്‍ പ്രവേശിപ്പിച്ചു. ബംഗളൂരുവിലെ ഒരു ഷോറൂമില്‍ നിന്നാണ് ശരത് ചൈനീസ് ഫോണ്‍ വാങ്ങിയത്.
Home Local News ബൈക്കോടിക്കുന്നതിനിടെ യുവാവിന്റെ ഷര്‍ട്ടിന്റെ കീശയില്‍ നിന്ന് ചൈനാഫോണ്‍ പൊട്ടിത്തെറിച്ചു; നിയന്ത്രണം വിട്ട ഇരുചക്രവാഹനം റോഡരികിലെ കുളത്തിലേക്ക്...