തിരുവനന്തപുരം: (www.mediavisionnews.in) കോവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് സ്‌കൂളുകൾ തുറക്കുന്നത് 2021 ജനുവരിയിലേക്ക് നീട്ടേണ്ടി വരുമെന്ന് മുഖ്യമന്ത്രി പിണറായി വിജയൻ. കോവിഡ് വ്യാപനം രൂക്ഷമായതോടെ പ്രഖ്യാപിച്ച ലോക്ക്ഡൗൺ മുതൽ മാസങ്ങളോളമായി വിദ്യാർത്ഥികൾ വിദ്യാലയാന്തരീക്ഷത്തിൽ മാറി നിൽക്കുകയാണ്.
ഈ സാഹചര്യത്തിൽ 2021ൽ പുതിയ അധ്യയന വർഷം ആരംഭിക്കുമ്പോൾ അവർക്ക് വേണ്ട സൗകര്യങ്ങളും, മറ്റ് സംവിധാനങ്ങളും സജ്ജീകരിക്കുന്നതിനായുള്ള പദ്ധതികൾ ആരംഭിച്ചതായും മുഖ്യമന്ത്രി പറഞ്ഞു. ഇതിന്റെ ഭാഗമായി നൂറു ദിവസത്തിനുള്ളിൽ 250 പുതിയ സ്കൂൾ കെട്ടിടങ്ങളുടെ പണി തുടങ്ങുമെന്നും മുഖ്യമന്ത്രി അറിയിച്ചു.
10 ഐ ടി ഐ ഉത്ഘാടനം ചെയ്യും. സ്‌കൂളുകൾ തുറക്കാനാകാത്ത സാഹചര്യത്തിൽ സംസ്ഥാന സർക്കാർ ആരംഭിച്ച ഓൺലൈൻ ക്ലാസുകൾക്ക് നേരെ വ്യാപക പ്രതിഷേധം ഉയർന്നിരുന്നു. ഓൺലൈൻ ക്ലാസുകൾ വൻ പരാജയമായിരുന്നുവെന്ന് പ്രതിപക്ഷ പാർട്ടികളും ആരോപണം ഉയർത്തിയിരുന്നു. ഇതിന്റെയെല്ലാം പോരായ്മകൾ നികത്താനാണ് സർക്കാരിന്റെ തീരുമാനം.=