കുമ്പള: അറബിക് കാലിഗ്രാഫിയിലും ഇംഗ്ലീഷ് ഫോണ്ടിലും വിരൽ തുമ്പുകൊണ്ട് വിസ്മയം തീർക്കുന്ന അതുല്യ പ്രതിഭ മഹ്ഫൂസ ഹനീഫിനെ ദുബൈ മലബാർ കലാസാംസ്കാരിക വേദി മുൻമന്ത്രി ചെർക്കളം അബ്ദുല്ലയുടെ പേരിലുള്ള അവാർഡ് നൽകി അനുമോദിച്ചു. കുമ്പള ഗവൺമെന്റ് ഹയർ സെക്കൻഡറി സ്കൂളിൽ നടന്ന ചടങ്ങിൽ മഞ്ചേശ്വരം ബ്ലോക്ക് പഞ്ചായത്ത് പ്രസിഡന്റ് എ കെ എം അഷ്റഫ് ഉപഹാരം നൽകി. മൊഗ്രാൽ പുത്തൂർ ഗ്രാമ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻ മുജീബ് കമ്പാർ അധ്യക്ഷത വഹിച്ചു. ചടങ്ങിൽ കേരള രഞ്ജി ക്രിക്കറ്റ് താരം മുഹമ്മദ് അസ്ഹറുദ്ദീൻ, പ്രമുഖ സിനിമാതാരം അബ്ദുല്ല ഡിസ്കോ എന്നിവർ മുഖ്യാതിഥികളായിരുന്നു. ദുബായ് മലബാർ കലാ സാംസ്കാരിക വേദിയുടെ പുതിയലോഗോ മഹഫുസാ ഹനീഫ് ജനറൽ കൺവീനർ അഷ്റഫ് കർളയ്ക്ക് നൽകി പ്രകാശനം ചെയ്‌തു. ഖലീൽ മാസ്റ്റർ, സയ്യിദ് ഹാദി തങ്ങൾ, അഷ്റഫ് കൊടിയമ്മ, നാസർ മൊഗ്രാൽ, അലി കുമ്പള, കമറുദ്ധീൻ തളങ്കര, സൈനു അടുക്ക, സമീർ, നിസാർ ആരിക്കാടി, കുമ്പള കെ എം അബ്ബാസ് എന്നിവർ സംസാരിച്ചു. അഷ്റഫ് കർള സ്വാഗതം പറഞ്ഞു