സുള്ള്യ (www.mediavisionnews.in): : തൂങ്ങിക്കിടന്ന ഹൈടെന്‍ഷന്‍ വൈദ്യുതി ലൈനില്‍ ബൈക്ക് കുടുങ്ങി ഷോക്കേറ്റ് യുവാവ് വെന്തുമരിച്ചു. മണ്ടേക്കോള്‍ മൈത്തടുക്കയിലെ ഉമേഷ് (45) ആണ് മരിച്ചത്. ചൊവ്വാഴ്ച പുലര്‍ച്ചെ 5.30 മണിയോടെ സുള്ള്യ നിണ്ടിക്കല്‍ കല്ലേരിയിലാണ് അപകടമുണ്ടായത്.
ഉമേഷ് ഓടിച്ചുപോകുകയായിരുന്ന മോട്ടോര്‍ ബൈക്ക് തൂങ്ങിക്കിടക്കുകയായിരുന്ന വൈദ്യുതി ലൈനില്‍ കുരുങ്ങുകയായിരുന്നു. ഉമേഷിന്റെ മൃതദേഹം തിരിച്ചറിയാനാകാത്ത വിധം കത്തിക്കരിഞ്ഞ നിലയിലാണ്. ബൈക്കും പൂര്‍ണ്ണമായും കത്തിനശിച്ചു.