ന്യൂയോർക്ക്: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ സഹോദരൻ റോബർട്ട് ട്രംപ് (72) മരിച്ചു. ശനിയാഴ്ച രാത്രിയാണ് മരണം സംഭവിച്ചത്. കഴിഞ്ഞ ദിവസം സഹോദരനെ ട്രംപ് ന്യൂയോർക്ക് ആശുപത്രിയിലെത്തി സന്ദർശിച്ചിരുന്നു. കുറച്ചു കാലമായി റോബർട്ട് ട്രംപിന്റെ ആരോഗ്യ നില മോശമായിരുന്നു എന്നാണ് റിപ്പോർട്ടുകൾ.
എന്റെ സഹോദരൻ റോബർട്ട് ഇന്ന് രാത്രി സമാധാനപരമായി മരിച്ചുവെന്ന വിവരം ഞാൻ വേദനയോടെ പങ്കു വെക്കുന്നു. അദ്ദേഹം എന്റെ സഹോദരൻ മാത്രമല്ല, നല്ല സുഹൃത്തും ആയിരുന്നു. അദ്ദേഹത്തെ വളരെയധികം മിസ് ചെയ്യും. പക്ഷെ ഞങ്ങൾ വീണ്ടും കണ്ടുമുട്ടും. അദ്ദേഹത്തിന്റെ ഓർമകൾ നിലനിൽക്കും. റോബർട്ട് ,ഞാൻ നിന്നെ സ്നേഹിക്കുന്നു. സമാധാനത്തോടെ വിശ്രമിക്കുക, ട്രംപ് പ്രസ്താവനയിൽ പറയുന്നു.
ഡൊണാൾഡ് ട്രംപിനേക്കാൾ രണ്ടു വയസ്സ് ഇളയതാണ് റൊബേർട്ട് ട്രംപ്. റിയൽ എസ്റ്റേറ്റ് ഡവെലപർ ആയിരുന്നു ഇദ്ദേഹം. മരണകാരണമെന്താണെന്ന് ട്രംപിന്റെ പ്രസ്താവനയിൽ പറയുന്നില്ല.
എ.ബി.സി ന്യൂസിന്റെ റിപ്പോർട്ട് പ്രകാരം ജൂൺ ആദ്യ വാരം ന്യൂയോർക്കിലെ മൗണ്ട് സിനായ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലായിരുന്നു റോബർട്ട് ട്രംപ്.