ഉപ്പള: മള്ളങ്കൈ ഗോൾഡൻ ഗെയ്‌സ് ആർട്സ് ആൻഡ് സ്പോർട്സ് ക്ലബ് രാജ്യത്തിന്റെ എഴുപത്തിനാലാം സ്വാതന്ത്ര്യദിനാഘോഷം വിപുലമായ പരിപാടികളോടെ നടത്തി. ക്ലബ് പരിസരത്ത് പ്രത്യേകം സ്ഥാപിച്ച കൊടിമരത്തില്‍ പ്രസിഡന്റ് ആസിഫ് ഖദീജ പതാക ഉയർത്തി. മള്ളങ്കൈ മഹല്ല് ഖത്തീബ് മുഹമ്മദ് ഫൈസി സ്വാതന്ത്ര്യദിന സന്ദേശം കൈമാറി.
ഹസ്സൻ ഉസ്താദ്, ഇർഷാദ് മള്ളങ്കൈ, ശാക്കിർ ജമാൽ, മുഹമ്മദ് നാട്ടക്കൽ, മുസ്താഖ്, ഹബീബ് റൊമാൻസിയ, ഹൈദർ അമാനത്ത്, സൈനുഷീൻ യു.ആർ ശാഹുൽ ഹമീദ്, നിസാം ഉച്ചിൽ, റഫീഖ് എം.എച്ച്, നിസാമുദ്ധീൻ, നവാസ്, ഉമർ ഗുർമ, സുഹൈർ, അനസ് അമാനത്ത് തുടങ്ങിയവർ സംബന്ധിച്ചു. ക്ലബ് മുൻ സെക്രട്ടറി നവാസ് നന്ദി പറഞ്ഞു.