കുമ്പള: (www.mediavisionnews.in) കുമ്പളയില്‍ വീണ്ടും മദ്യ വേട്ട. ഇന്നോവ കാറില്‍ കടത്താന്‍ ശ്രമിച്ച 441 ലിറ്റര്‍ കര്‍ണ്ണാടക നിര്‍മ്മിത മദ്യവുമായി യുവാവിനെ കുമ്പള പൊലീസ് അറസ്റ്റ് ചെയ്തു. മിയാപ്പദവ് ചികുര്‍പാദ കുള്ളുരിലെ നവിന്‍ ഷെട്ടി (28)യെയാണ് കുമ്പള പൊലീസ് പിടികൂടിയത്. മദ്യം കടത്തുന്നുണ്ടെന്ന രഹസ്യ വിവരം കിട്ടിയ പൊലീസ് സംഘം തിങ്കളാഴ്ച ഉച്ചയോടെ അംഗഡിമുഗര്‍ പാലത്തില്‍ വെച്ച് ഇന്നോവ കാറിനെ പൊലീസ് ജീപ്പ് കുറുകെയിട്ട് പിടികൂടുകയായിരുന്നു. കാര്‍ പരിശോധിച്ചപ്പോഴാണ് പേപ്പര്‍ കവറില്‍ സൂക്ഷിച്ച മദ്യ കുപ്പികളും പാക്കറ്റുകള്‍ കണ്ടെത്തിയത്.
കുമ്പള സ്റ്റേഷന്‍ ഹൗസ് ഓഫീസര്‍ പി. പ്രമോദ്, കുമ്പള എസ്.ഐ. സന്തോഷ് കുമാര്‍, അഡീ. എസ്.ഐ രാജീവന്‍, സിവില്‍ പൊലീസ് ഓഫിസര്‍മാരായ രാജീവന്‍, സുഭാഷ്, ഡ്രൈവര്‍മാരായ മനോജ്, ബാബു എന്നിവര്‍ ചേര്‍ന്നാണ് മദ്യക്കടത്ത് പിടികൂടിയത്.