മലപ്പുറം∙ ദുബായിൽ നിന്നെത്തി ക്വാറന്റീനിൽ കഴിയുന്നതിനിടെ മരിച്ച കാളികാവ് മാളിയേക്കൽ തട്ടാൻപടി പാലോട്ടിൽ ഇർഷാദലി (29)യുടെ കോവിഡ് ഫലം പോസിറ്റീവ്. ട്രൂനാറ്റ് പരിശോധന ഫലം പോസിറ്റീവ് ആയതിനെത്തുടർന്ന് പിസിആർ പരിശോധന കൂടി നടത്താൻ നിർദേശം നൽകിയതായി ഡിഎംഒ അറിയിച്ചു.
ഈ മാസം 4ന് ദുബായിൽ നിന്നെത്തിയ ഇർഷാദലിയെ ബുധനാഴ്ചയാണ് മരിച്ചനിലയിൽ കണ്ടെത്തിയത്. ഉറക്കത്തിൽനിന്ന് വൈകി എഴുന്നേൽക്കുന്ന ശീലമുള്ള ഇർഷാദലി ഉച്ചയ്ക്ക് 1 മണിയായിട്ടും ഉണരാത്തതിനെ തുടർന്നു നടത്തിയ പരിശോധനയിലാണ് വീട്ടിലുള്ളവർ മരണവിവരം അറിയുന്നത്.