ഉപ്പള: (www.mediavisionnews.in) നിയന്ത്രണം വിട്ട കാര്‍ മരത്തിലിടിച്ച് കൊലക്കേസ് പ്രതിക്കും സുഹൃത്തിനും പരിക്കേറ്റു. വെള്ളിയാഴ്ച്ച രാത്രി ഒമ്പത് മണിയോടെ കുക്കാര്‍ സ്‌കൂളിന് സമീപത്തായിരുന്നു അപകടം. സേങ്കാല്‍ പുളിക്കുത്തിലെ പെയിന്റിംഗ് തൊഴിലാളി അല്‍ത്താഫിനെ രണ്ടുവര്‍ഷം മുമ്പ് കാറില്‍ തട്ടിക്കൊണ്ടുപോയി കര്‍ണാടകയില്‍ വെച്ച് കുത്തിക്കൊലപ്പെടുത്തിയ കേസിലെ ഒരു പ്രതിയും സുഹൃത്തുമാണ് കാറിലുണ്ടായിരുന്നതെന്ന് പൊലീസ് പറഞ്ഞു. പരിക്കേറ്റ ഇരുവരേയും പരിയാരം മെഡിക്കല്‍ കോളേജ് ആസ്പത്രിയില്‍ പ്രവേശിപ്പിച്ചു. കാര്‍ കുമ്പള പൊലീസ് കസ്റ്റഡിയിലെടുത്തു.