ഉപ്പള (www.mediavisionnews.in): കുമ്പള ,മംഗൽപാടി, പൈവളികെ എന്നി പഞ്ചായത്തുകളിലായി കൊവിഡ് 19 സ്ഥിരീകരിച്ച സാഹചര്യത്തിൽ 12.05.2020 ചൊവ്വാഴ്ച മുതൽ, മഞ്ചേശ്വരം, കുമ്പള പൊലീസ് സ്റ്റേഷൻ പരിധിക്കുള്ളിൽ ലോക്ക് ഡൗണിനെ തുടർന്നുള്ള നിലവിലെ സെക്ഷനുകൾക്കും നിയന്ത്രണങ്ങൾക്കും പുറമേ കടുത്ത നിയന്ത്രണങ്ങൾ നിലവിൽ വന്നിരിക്കുകയാണ്.
ആയതിനാൽ അത്യാവശ്യ കാര്യങ്ങൾക്ക് മാത്രമേ പുറത്തിറങ്ങാവു എന്നും
60 വയസ്സിനു മുകളിലുള്ളവരും, കുട്ടികളും ഒരു കാരണവശാലും പുറത്തിറങ്ങരുതെന്നും പൊലിസ് അറിയിച്ചു.വളരെ അത്യാവശ്യകാര്യങ്ങൾക്ക് മാത്രമേ പുറത്തിറങ്ങാവൂയെന്നും മാസ്ക് ധരിച്ചും സാമൂഹ്യ അകലം പാലിച്ചും വേണം പുറത്തിറങ്ങാൻ.
അന്യസംസ്ഥാനങ്ങളിൽ നിന്നും വന്ന ആളുകൾ പൊലിസിന്റെയോ ആരോഗ്യ വകുപ്പിന്റെയോ അറിവില്ലാതെ താമസിക്കുന്നതായി വിവരം ലഭിച്ചിട്ടുണ്ടെന്നും ഇത്തരക്കാർ അടിയന്തിരമായും ആരോഗ്യ വകുപ്പുമായി ബന്ധപ്പെടണമെന്നും കുമ്പള സ്റ്റേഷൻ ഹൗസ് ഓഫീസർ പ്രമോദ് അറിയിച്ചു.