ന്യൂഡൽഹി: അടച്ചിടൽ അവസാനിക്കാൻ നാലുദിവസംമാത്രം ശേഷിക്കെ രാജ്യത്ത് കോവിഡ് വ്യാപനമേറി. ബുധനാഴ്‌ച 1522 പുതിയ രോഗികള്‍ റിപ്പോർട്ട് ചെയ്‌തതോടെ ആകെ എണ്ണം 32,657 ആയി. 66 പേർകൂടി മരിച്ചതോടെ ആകെ മരണം 1074 ആയി. മഹാരാഷ്ട്രയിൽ രോഗികള്‍ പതിനായിരത്തിനോടടുത്തു. ഗുജറാത്തിൽ നാലായിരം കടന്നു.
മഹാരാഷ്ട്രയിൽ 728 പുതിയ രോഗികള്‍. ആകെ മരണം 400. ഗുജറാത്തിൽ 226 ഉം മധ്യപ്രദേശിൽ 222ഉം ഡൽഹിയിൽ 206ഉം പുതിയ രോഗികള്‍. ഗുജറാത്തിൽ ചൊവ്വാഴ്‌ച മരിച്ച 20ൽ 19ഉം അഹമ്മദാബാദിലാണ്‌. ആകെ മരണം 181.
ബംഗാളിൽ അടുത്ത ദിവസങ്ങളിലായി രോഗബാധിതരുടെ എണ്ണം കൂടുകയാണ്‌. ഒരാഴ്‌ചയായി ശതമാനക്കണക്കിൽ ഏറ്റവും കൂടുതൽ രോഗികള്‍ ബംഗാളിലാണ്‌. മുംബൈ, ഡൽഹി, അഹമ്മദാബാദ്‌, ഇൻഡോർ, ചെന്നൈ നഗരങ്ങളിലും രോഗികള്‍ കൂടി. ഒരാഴ്‌ചത്തെ 51 ശതമാനം പുതിയ രോഗികളും ഈ നഗരങ്ങളിലാണ്‌. ഏറ്റവും കൂടുതൽ രോഗികളും മരണവും ചൊവ്വാഴ്‌ചയാണ്‌ റിപ്പോർട്ട് ചെയ്‌തത്‌. 1903 രോഗികള്‍. 71 മരണം.
മീഡിയവിഷൻ ന്യൂസ്‌ ടെലഗ്രാമില്‍ ലഭിക്കുവാന്‍ ഇവിടെ ക്ലിക്ക് ചെയ്യുക