ദുബായ്: (www.mediavisionnews.in) റസിഡൻസി വിസ ഉള്‍പ്പെടെ എല്ലാത്തരും വിസക്കാരുടെയും പ്രവേശന വിലക്ക് രണ്ടാഴ്ചത്തേക്ക് കൂടി നീട്ടി യുഎഇ. കൊറോണ വ്യാപനത്തിന്റെ പശ്ചാത്തലത്തിലാണ് രാജ്യത്ത് പ്രവേശന വിലക്ക് നടപ്പിലാക്കിയത്. റസിഡൻസി വിസക്കാർക്കും രാജ്യത്ത് വിലക്കേർപ്പെടുത്തിക്കൊണ്ടുള്ള ഉത്തരവ് രണ്ടാഴ്ച മുമ്പാണ് പുറത്തിറങ്ങിയത്. വിലക്കിന്റെ കാലാവധി പൂർത്തിയായതോടെയാണ് വീണ്ടും രണ്ടാഴ്ച കൂടി നീട്ടിയത്.
പുതിയ ഉത്തരവ് കഴിഞ്ഞ ദിവസം മുതൽ പ്രാബല്യത്തിൽ വന്നു. കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായാണ് ഈ നടപടിയെന്നും സാഹചര്യങ്ങളിൽ മാറ്റമുണ്ടായാൽ ഇളവുകൾ ഉണ്ടായേക്കുമെന്നും അധികൃതർ പുറത്തിറക്കിയ പ്രസ്താവനയിൽ പറയുന്നു.