നെടുമ്പാശേരി: (www.mediavisionnews.in) കൊറോണയെ തുടർന്ന് നെടുമ്പാശേരിയിൽ നിന്നുള്ള നിരവധി വിമാന സർവീസുകൾ താൽകാലികമായി നിർത്തി. ‘സൗദി എയർലൈൻസിൻെറ’ മുഴുവൻ വിമാനങ്ങളുമാണ് നിർത്തിയത്. കുവൈത്ത് എയർവേയ്സ്, ഇൻഡിഗോ, ജസീറ വിമാന കമ്പനികളും ഏതാനും സർവീസുകൾ നിർത്തി.
എയർ ഏഷ്യ ക്വാലാലംപൂരിലേക്ക് രണ്ട് സർവീസുകളുണ്ടായിരുന്നത് ഒന്നാക്കി. സിൽക്ക് എയറും സിംഗപ്പൂരിലേക്ക് രണ്ടെണ്ണമുണ്ടായിരുന്നത് ഒന്നാക്കി. മറ്റ് ചില വിമാന കമ്പനികളും യാത്രക്കാർ കുറയുമ്പോൾ ഇടയ്ക്കിടെ സർവീസുകൾ റദ്ദാക്കുന്നുണ്ട്.
സർവീസുകൾ കുറഞ്ഞതോടെ സിയാലിനും പ്രതിദിനം കോടിക്കണക്കിന് രൂപയുടെ വരുമാനക്കുറവ് ഉണ്ടായിരിക്കുകയാണ്.