അബുദാബി: (www.mediavisionnews.in) വിമാനത്താവളം വഴി കടത്താൻ ശ്രമിച്ച 40 കിലോ കഞ്ചാവ് കസ്റ്റംസ് പിടിച്ചെടുത്തു. രണ്ട് വലിയ ബാഗുകളിലായി 80 ചെറിയ ബാഗുകളിൽ നിറച്ച് സൂക്ഷിച്ച നിലയിലായിരുന്നു കഞ്ചാവ്. ഓരോ ബാഗിനുള്ളിലും പത്തോളം ചെറു പാക്കറ്റുകളിലായാണ് ഇവ സൂക്ഷിച്ചിരുന്നത്. സമീപകാലങ്ങളിൽ അബുദാബിയിൽ വലിയ തോതിലുള്ള ഒട്ടേറെ ലഹരിമരുന്ന് വേട്ടകളാണ് നടന്നിരുന്നത്.
ജനുവരി നാലിന് ഒന്നര ടണ്ണോളം നിരോധിത മരുന്ന് പിടിച്ചെടുത്തിരുന്നു. നവംബറിൽ ട്രക്കിൽ കടത്താൻ ശ്രമിച്ച 450 കിലോ ലഹരി ഗുളികകളും ഒക്ടോബറിൽ 1,129 കിലോ കൊക്കയ്‌നും ഓഗസ്റ്റിൽ 648 കിലോ ലഹരി മരുന്നും ഓഗസ്റ്റിൽ 274,000 ക്യാപ്റ്റഗൻ ഗുളികകളും ജൂണിൽ 423കിലോ ഹെറോയിനും മേയിൽ 365 കിലോ ലഹരിമരുന്നും അബുദാബിയിൽ നിന്ന് പിടിച്ചെടുത്തിട്ടുണ്ട്.