കൊച്ചി: (www.mediavisionnews.in) നെടുമ്പാശേരി രാജ്യാന്തര വിമാനതാവളത്തിലെ എയര്‍ കാര്‍ഗോ മുഖേന അനധികൃതമായി കടത്താന്‍ ശ്രമിച്ച അരക്കിലോ സ്വര്‍ണ്ണം കസ്റ്റംസ് പിടികൂടി. കാസര്‍കോട് സ്വദേശി കസ്റ്റഡിയില്‍. ടൈഗര്‍ ബാം ടിനിന്റെ അടപ്പിനകത്തും ചുരിദാറിന്റെ കോളറിനകത്തും ഒളിപ്പിച്ച നിലയിലാണ് സ്വര്‍ണം കടത്താന്‍ ശ്രമിച്ചത്.
എയര്‍ കാര്‍ഗോയിലെ കസ്റ്റംസിന് സംശയം തോന്നിയതിനെ തുടര്‍ന്ന് വിശദമായി നടത്തിയ പരിശോധനയിലാണ് അനധികൃതമായി കടത്തുവാന്‍ ശ്രമിച്ച സ്വര്‍ണ്ണം പിടികൂടിയത്. ഇതാദ്യമായാണ് എയര്‍ കാര്‍ഗോ മുഖേന സ്വര്‍ണം കടത്താനുള്ള ശ്രമം കണ്ടെത്തുന്നത്. എയര്‍ കാര്‍ഗോ മുഖേന വന്‍തോതില്‍ സ്വര്‍ണം കടത്തുന്നതിന് മുമ്പായി പരീക്ഷണാടിസ്ഥാനത്തില്‍ നടത്തിയ ശ്രമമാണ് ഇതെന്ന് കസ്റ്റംസ് സംശയിക്കുന്നു. കാര്‍ഗോയില്‍ എത്തിയ സ്വര്‍ണ്ണം അടക്കമുള്ള സാധനങ്ങള്‍ എടുക്കാന്‍ വിമാനതാവളത്തില്‍ എത്തിയ സമയത്താണ് കാസര്‍ഗോഡ് സ്വദേശിയെ കസ്റ്റംസ് പിടികൂടിയത്. ഇയാളെ ചോദ്യം ചെയ്തു വരികയാണ്.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.