തിരുവനന്തപുരം (www.mediavisionnews.in): മതം രേഖപ്പെടുത്താത്തതിന് സ്‌കൂള്‍ പ്രവേശനം നിഷേധിച്ച സംഭവത്തില്‍ വിദ്യാഭ്യാസ മന്ത്രി അന്വേഷണത്തിന് നിര്‍ദേശിച്ചു. വിദ്യാഭ്യാസ ഡെപ്യൂട്ടി ഡയറക്ടറോട് ഉടന്‍ റിപ്പോര്‍ട്ട് നല്‍കണമെന്നും നിര്‍ദേശമുണ്ട്.
തിരുവനന്തപുരം പട്ടം സെന്റ് മേരീസ് സ്‌കൂളിലാണ് സംഭവം നടന്നത്. ഒന്നാം ക്ലാസ് പ്രവേശനത്തിനുള്ള അപേക്ഷയില്‍ മകന് മതമില്ലെന്ന് രേഖപ്പെടുത്തിയതിന് സ്‌കൂളില്‍ പ്രവേശനം നിഷേധിച്ചതായി രക്ഷിതാക്കള്‍ പരാതിപ്പെടുകയായിരുന്നു.
അപേക്ഷ പൂരിപ്പിച്ചപ്പോള്‍ മതം രേഖപ്പെടുത്താത്തതിനാലാണ് എല്‍.പി വിഭാഗം മേധാവി സിസ്റ്റര്‍ ടെസി പ്രവേശനം നിഷേധിച്ചത്.
പ്രവേശനം നിഷേധിച്ചത് രക്ഷിതാക്കള്‍ ചോദ്യം ചെയ്തതോടെ മാനേജ്‌മെന്റുമായി ചര്‍ച്ച ചെയ്ത് സിസ്റ്റര്‍ വിശദമായ സത്യവാങ്മൂലം ആവശ്യപ്പെടുകയായിരുന്നു.
ജാതിയും മതവും രേഖപ്പെടുത്തിയില്ലെന്ന കാരണം പറഞ്ഞ് മകന് പ്രവേശനം നിഷേധിച്ചത് മോശമാണെന്ന് രക്ഷിതാക്കളായ നസീമും ധന്യയും ഏഷ്യാനെറ്റ് ന്യൂസിനോട് പറഞ്ഞു.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.