ബന്തിയോട്: (www.mediavisionnews.in) കര്‍ണാടക നിര്‍മ്മിത മദ്യവുമായി രണ്ടുപേരെ കാസര്‍കോട് എക്‌സൈസ് സ്‌ക്വാഡ് അറസ്റ്റ് ചെയ്തു. മദ്യം കടത്തിയ ഓട്ടോ കസ്റ്റഡിയിലെടുത്തു. ഓട്ടോയില്‍ കടത്തിയ 180 മില്ലിയുടെ 48 കുപ്പി കര്‍ണാടക നിര്‍മ്മിത മദ്യവുമായി പൈവളിഗെയിലെ സുന്ദര (45)നെയാണ് അറസ്റ്റ് ചെയ്തത്. ഇന്നലെ വൈകിട്ട് ഓട്ടോയില്‍ മദ്യം കൊണ്ടുപോകുന്നതിനിടെ പൈവളിഗെ റോഡില്‍ വെച്ചാണ് എക്‌സൈസ് സംഘം പിടികൂടിയത്.
വില്‍പനക്ക് കൊണ്ടുപോവുകയായിരുന്ന 180 മില്ലിയുടെ 61 കുപ്പി കര്‍ണാടക നിര്‍മ്മിത മദ്യവുമായി മണ്ടേക്കാപ്പ് സ്വദേശി ജോണ്‍ ജോസഫ് മൊന്തേരോ (51) അറസ്റ്റിലായി. ചാക്കിലാക്കി കൊണ്ടുപോകുന്നതിനിടെയാണ് മദ്യം പിടിച്ചത്. കാസര്‍കോട് എക്‌സൈസ് സ്‌ക്വാഡ് ഇന്‍സ്‌പെക്ടര്‍ പി.വി സന്തോഷിന്റെ നേതൃത്വത്തിലായിരുന്നു പരിശോധന.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.