പച്ചമ്പളം: (www.mediavisionnews.in) നെഹ്‌റു യുവകേന്ദ്ര മഞ്ചേശ്വരം ബ്ലോക്ക് തലത്തിൽ നാല് ദിവസങ്ങളിലായി ഫ്രണ്ട്‌സ് പച്ചമ്പളം ആർട്സ് ആൻഡ് സ്പോർട്സ് ക്ലബ്ബയുമായി സഹകരിച്ചു കൊണ്ട് നടത്തിയ കായിക മേള സമാപിച്ചു. പരിപാടി മഞ്ചേശ്വരം ബ്ലോക്ക് പഞ്ചായത്ത് പ്രസിഡന്റ് എകെഎം അഷ്‌റഫ് ഉദ്ഘാടനം ചെയ്തു.
ഫുട്ബാൾ ഫൈനൽ മത്സരത്തിൽ യങ് സ്റ്റാർ ടിപ്പുഗല്ലി വിജയം കരസ്ഥമാക്കി. രണ്ടാം സ്ഥാനം ഇക്വൻസ്‌ ആരിക്കാടി കരസ്ഥമാക്കി. വോളി ബോൾ മത്സരത്തിൽ സെവൻ ലവേഴ്സ് ജനപ്രിയ ഒന്നാം സ്ഥാനവും ഗ്രീൻ സ്റ്റാർ ബായാർ രണ്ടാം സ്ഥാനവും നേടി. കബഡി മത്സരത്തിൽ ഫ്രണ്ട്‌സ് മലങ്കര ഒന്നാം സ്ഥാനവും ഫ്രണ്ട്‌സ് പച്ചമ്പള രണ്ടാം സ്ഥാനവും കരസ്ഥമാക്കി. ഷട്ടിൽ ടൂർണമെന്റിൽ സെവൻ ലവേഴ്സ് ജനപ്രിയ ഒന്നാം സ്ഥാനവും, ന്യൂ സ്റ്റാർ അടുക്ക രണ്ടാം സ്ഥാനവും നേടി.
വിജയികൾക് ജില്ലാ പഞ്ചായത്ത് മെമ്പർ ഫരീദ സകീർ, മംഗൽപാടി പഞ്ചായത്ത് പ്രസിഡന്റ് ശാഹുൽ ഹമീദ് ബന്ദിയോട്‌ സമ്മാനങ്ങൾ നൽകി.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക