ഉപ്പള: (www.mediavisionnews.in) കാണാതായ അധ്യാപികയെ ഷിറിയ പാലത്തിനു സമീപം കടപ്പുറത്ത് നിലയിൽ കണ്ടെത്തി. കൊലപാതകമെന്നാണ് സംശയം. മിയാപ്പദവ് വാണിവിജയ ഗവ. ഹൈ സ്കൂൾ അധ്യാപിക രൂപശ്രീയെയാണ് ശനിയാഴ്ച രാവിലെയോടെ കുമ്പള കോയിപ്പാടി കടപ്പുറത്ത് മരിച്ചനിലയിൽ കണ്ടത്.
രാവിലെ പള്ളിയിൽ പോകുന്നവരാണ് മൃതദേഹം കണ്ടത്. 16ന് ഉച്ചകഴിഞ്ഞ് രൂപശ്രീയെ സ്കൂളിൽ നിന്നും കാണാതാവുകയായിരുന്നു. തുടർന്ന് ഭർത്താവ് ചന്ദ്രശേഖരൻ നൽകിയ പരാതിയിൽ പോലീസ് അന്വേഷണം നടത്തിവരവെയാണ് അധ്യാപികയെ മരിച്ച നിലയിൽ കണ്ടെത്തിയത്. മരണം കൊലപാതകമാണെന്ന് ബന്ധുക്കൾ ആരോപിക്കുന്നു. രൂപശ്രീക്ക്‌ രണ്ടു മക്കളാണുള്ളത്. മൃതദേഹം വിദഗ്ധ പോസ്റ്റ്മോർട്ടത്തിനായി പരിയാരം മെഡിക്കൽ കോളേജിലേക്ക് മാറ്റി.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക