മഞ്ചേശ്വരം: (www.mediavisionnews.in) മംഗലാപുരം പട്ടണത്തിൽ പൗരത്വ ഭേദഗതി നിയമത്തിനെതിരെ ഡി.സി ഓഫീസിന് മുമ്പിൽ പ്രതിഷേധം നടത്തിയവരെ വെടിവെച്ച് കൊല്ലുകയും സത്യാവസ്ഥ റിപ്പോർട്ട് ച്ചെയ്യാൻ എത്തിയ മലയാള മാധ്യമ പ്രവർത്തകരെ കള്ളാരോപണം നടത്തി അറസ്റ്റ് ചെയ്യുകയും ചെയ്ത യദ്യൂരപ്പ സർക്കാറിന്റെ പോലീസ് രാജിനെതിരെ കർഫ്യൂ ലംഘിച്ച് പ്രതിഷേധിച്ച മുൻ മന്ത്രി ബിനോയ് വിശ്വത്തിനെ മംഗലാപുരം പോലീസ് അറസ്റ്റ് ചെയ്യുകയും, ശേഷം മഞ്ചേശ്വരം പോലീസിന് കൈമാറുകയും ചെയ്തു.
ഈ അവസരത്തിൽ ഭരണഘടനാ വിരുദ്ധ പ്രവർത്തനം നടത്തുന്ന ബിജെപിയുടെ സർകാരിനെതിരെ പ്രതിഷേധ സമരം നടത്തിയ ബിനോയ് വിശ്വം എന്ന ജനാധിപത്യ പോരാളിയെ അഭിവാദ്യമർപ്പിച്ച് മുസ്ലിം ലീഗ് നേതാക്കൾ. എ.കെ.എം അഷ്റഫ്, യു.കെ സൈഫുള്ള തങ്ങൾ, അസീസ്‌ ഹാജി, മുക്താർ എ, അബ്ദുള്ള ഗുഡ്ഡകേരി, മുസ്തഫ ഉദ്യവാരം, മജീദ് മച്ചംപാടി, ഇർഷാദ് ചെക്പോസ്റ്റ്, ഫാറൂഖ് ഹൊസബെട്ടു, ഷെയ്ഖ് ആസിഫ് എന്നിവർ സംബന്ധിച്ചു. അഭിവാദ്യമർപ്പിച്ചതിന് ബിനോയ് വിശ്വം പ്രത്യേകം നന്ദി അറിയിക്കുകയും ഈ പോരാട്ടം ഭരണഘടനയെ തകർക്കാൻ ശ്രമിക്കുന്നവർക്കെതിരെയുള്ള പോരാട്ടമാണെന്നും ഇതിൽ ജാതിക്കും, മതത്തിനും, കക്ഷി രാഷ്ട്രീയത്തിനും പ്രസക്തിയില്ലെന്നും അതിനാൽ നിങ്ങളുടെ അഭിവാദ്യത്തിൽ വലിയൊരു രാഷ്ട്രീയം ഭരണ കർത്താക്കൾക്ക് മനസ്സിലാക്കാനുണ്ടെന്നും അദ്ധേഹം പറഞ്ഞു.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക