ഉത്തർപ്രദേശ് (www.mediavisionnews.in) :പ്രധാനമന്ത്രി നരേന്ദ്രമോദി കാല്‍ തട്ടി വീണ ഗംഗാ തീരത്തുള്ള അടൽ ഘട്ടിന്റെ പടി പൊളിച്ചുപണിയാൻ ഉത്തർപ്രദേശ് സർക്കാ‍ർ. ഇക്കഴിഞ്ഞ ആഴ്ച്ചയാണ് നമാമി ഗംഗ പദ്ധതി വിലയിരുത്തുന്നതിനിടെ ഗംഗാ തീരത്തുള്ള പടവുകള്‍ കയറുമ്പോള്‍ മോദി പടിക്കെട്ടിൽ തട്ടിവീണത്. ഉടനെ എസ്.പി.ജി ഉദ്യോഗസ്ഥർ പ്രധാനമന്ത്രിയെ പിടിച്ച് എഴുന്നേൽപ്പിച്ചു. പ്രധാനമന്ത്രി പടിയില്‍ തട്ടിവീഴുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു.
അടൽ ഘട്ടിലെ പടികളിലൊന്നിന്റെ ഉയരം പ്രശ്നമാണെന്നും കടവിൽ പൂജ ചെയ്യാനെത്തുന്നവർക്ക് ഇരിക്കുന്നതിനായാണ് ഇത്തരത്തില്‍ നിർമിച്ചതെന്നും അധികൃതർ പറയുന്നു. മുൻപും നിരവധി പേര് ഇങ്ങനെ ഈ പടികളില്‍ തട്ടി വീണതായും അധികൃതര്‍ പറഞ്ഞു. നിലവില്‍ പടവ് പൊളിച്ചുമാറ്റി മറ്റുള്ളവയ്ക്ക് സമാനമായ രീതിയിൽ പുനർനിർമ്മിക്കുമെന്ന് ഡിവിഷണൽ കമ്മീഷണർ സുധീർ എം ബോബ്‌ഡേ പറഞ്ഞു.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.