മംഗളൂരു: (www.mediavisionnews.in) മംഗളൂരു സിറ്റി കോർപ്പറേഷനിലേക്കുള്ള തിരഞ്ഞെടുപ്പ് 12-ന് നടക്കും. 14-നാണ് വോട്ടെണ്ണൽ. 60 സീറ്റുകളിലേക്ക് നടക്കുന്ന തിരഞ്ഞെടുപ്പിന് 236 പേർ നാമനിർദേശപത്രിക നൽകിയിട്ടുണ്ട്. കോൺഗ്രസും ബി.ജെ.പി.യും മുഴുവൻ സീറ്റുകളിലും മത്സരിക്കുന്നുണ്ട്. ഡമ്മി സ്ഥാനാർഥികളടക്കം ബി.ജെ.പി. 94-ഉം കോൺഗ്രസ് 66-ഉം പത്രികകൾ നൽകിയിട്ടുണ്ട്. ജനതാദൾ എസ് 14, എസ്.ഡി.പി.ഐ. 10, സി.പി.എം. എട്ട്, സി.പി.ഐ. ഒന്ന്, ജനദാദൾ യു രണ്ട്, വെൽഫെയർ പാർട്ടി മൂന്ന്, കർണാടക രാഷ്ട്ര സമിതി മൂന്ന്, സ്വതന്ത്രർ 35 എന്നിങ്ങനെയാണ്‌ പത്രിക നൽകിയ മറ്റുള്ളവർ. തിങ്കളാഴ്ചയാണ് പത്രിക പിൻവലിക്കാനുള്ള അവസാന ദിവസം.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക