സുൽത്താൻ ബത്തേരി: (www.mediavisionnews.in) ബത്തേരിയിലെ സ്കൂളിൽ പാമ്പു കടിയേറ്റു മരിച്ച ഷെഹ്‍ല ഷെറിന്‍റെ പാട്ട് എന്ന പേരിൽ സാമൂഹിക മാധ്യമങ്ങളിൽ ഒരു വീഡിയോ കഴിഞ്ഞ ചില ദിവസങ്ങളായി പ്രചരിക്കുന്നുണ്ട്. എന്നാല്‍ ഈ പാട്ടുപാടുന്ന പെണ്‍കുട്ടിയും മരിച്ച ഷെഹ്‍ല ഷെറിനും തമ്മില്‍ ഒരു ബന്ധവും ഇല്ലെന്നാണ് യാഥാര്‍ത്ഥ്യം.
വയനാട്ടിലെ മുട്ടിൽ ഡബ്ല്യുഒ സ്കൂളിൽ പ്ലസ്‌വൺ വിദ്യാർഥിനി ഷെഹ്ന ഷാനവാസാണ് ഈ ഗായിക. വസ്തുതകൾ പരിശോധിക്കാതെ ഈ വിഡിയോ പങ്കുവയ്ക്കുന്നവരോട് അതിലെ യഥാർഥ പാട്ടുകാരി ഷെഹ്ന ഷാനവാസ് പ്രതികരണവുമായി രംഗത്ത് എത്തിയിട്ടുണ്ട്. ഈ വീഡിയോയില്‍ ഉള്ളത് ഷെഹ്‌ലയല്ല. തോന്നിയപോലെ തലക്കെട്ടിട്ട് ഇത്തരം വിഡിയോകൾ പ്രചരിക്കുമ്പോൾ ഞങ്ങളെപ്പോലുള്ളവർക്കുണ്ടാകുന്ന മനോവിഷമം എത്രത്തോളമുണ്ടാകുമെന്ന് എല്ലാവരും ആലോചിക്കണ്ടേ എന്നും ഷെഹ്ന ചോദിക്കുന്നു. 4 വർഷം മുൻപ് ചുണ്ടേൽ ആർസി സ്കൂളിൽ പഠിച്ചുകൊണ്ടിരുന്നപ്പോൾ പാടിയ പാട്ട് ഇപ്പോൾ സാമൂഹികമാധ്യമങ്ങളിൽ വീണ്ടും പ്രചരിക്കുകയാണ്.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക