ഉപ്പള: (www.mediavisionnews.in) സിറ്റിസൺ സ്പോർട്സ് ക്ലബ് ഉപ്പളയുടെ കലവറയിൽ നിന്ന് ഒരു താരം കൂടി ഉയർന്നു വന്നു. ടീമിന്റെ പ്രതിരോധ താരവും മംഗലാപുരം സെന്റ് അലോഷ്യസ് കോളേജ് ടീമിന്റെ ക്യാപ്റ്റനുമായ അബ്ദുൽ ഹർഷിക്ക്‌ കർണാടക സംസ്ഥാന സ്കൂൾ ഫുട്ബോൾ ടീമിൽ ഇടം നേടി. താരം അന്തമാൻ ദ്വീപിലെ പോർട്ട് ബ്ലെയറിൽ നടക്കുന്ന അറുപത്തഞ്ചാമത് ദേശീയ സ്കൂൾ ഗെയിംസിലെ അണ്ടർ-19 ഫുട്ബോൾ ചാമ്പ്യൻഷിപ്പിൽ കർണാടക സംസ്ഥാന ടീമിനായി ജേഴ്സിയണിയും.
നേരത്തെ കർണാടക ബെല്ലാരിയിൽ നടന്ന കർണാടക സംസ്ഥാനതല ടൂർണമെന്റിൽ കാഴ്ച വെച്ച മികച്ച പ്രകടനമാണ് താരത്തെ ദേശീയ ചാമ്പ്യൻഷിപ്പിലേക്കുള്ള ടീമിലേക്ക് വഴി തുറന്നത്. പതിനെട്ട് പേരടങ്ങുന്ന ടീം ബാംഗ്ലൂരിൽ നിന്ന് യാത്ര പുറപ്പെടും. 23 നാണ് ആദ്യ മത്സരം.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക