മാവേലിക്കര (www.mediavisionnews.in):കുട്ടികള്‍ കളിക്കുന്നതിനിടെ തലയില്‍ ബാറ്റ് തെറിച്ചുവീണ് ആറാം ക്ലാസ് വിദ്യാര്‍ഥി മരിച്ചു. ചാരുംമൂട് ചുനക്കര ഗവ. യു.പി സ്‌കൂളിലെ നവനീത് (12) എന്ന വിദ്യാര്‍ഥിയാണ് മരിച്ചത്.
ബാറ്റായി ഉപയോഗിച്ച തടിക്കഷ്ണം മറ്റൊരു കുട്ടിയുടെ കയ്യില്‍ നിന്ന് തെറിച്ച് നവനീതിന്റെ തലയില്‍ പതിക്കുകയായിരുന്നു. ഭക്ഷണം കഴിച്ചശേഷം കൈ കഴുകാന്‍ പൈപ്പിനടുത്തേക്ക് പോകുമ്പോഴായിരുന്നു സംഭവം.
അധ്യാപകരും മറ്റു കുട്ടികളും ചേര്‍ന്ന് ഉടനെ അടുത്തുള്ള ആശുപത്രിയില്‍ എത്തിച്ചു. നില ഗുരുതരമായതിനാല്‍ താലൂക്ക് ആശുപത്രിയിലേക്ക് മാറ്റുന്നതിനിടെ മരണം സംഭവിക്കുകയായിരുന്നു.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക