മഞ്ചേശ്വരം: (www.mediavisionnews.in) അങ്കത്തില്‍ ഏര്‍പ്പെട്ട കോഴിയെ കസ്റ്റഡിയില്‍ എടുക്കുന്നതിനിടെ പൊലീസുകാരന് വാള്‍ കൊണ്ട് മുറിവേറ്റു. കണ്ണൂര്‍ കെ.എ.പി. ബറ്റാലിയനിലെ പൊലീസുകാരന് തൃക്കരിപ്പൂര്‍ സ്വദേശി സനലി(33)നാണ് മുറിവേറ്റത്. കൈക്ക് പരിക്കേറ്റ സനലിനെ മംഗളൂരുവിലെ ആസ്പത്രിയില്‍ പ്രവേശിപ്പിച്ചു. ഇന്നലെ ഉച്ചയോടെ മജിര്‍പ്പള്ളം ധര്‍മ്മനഗറിലാണ് സംഭവം. കോഴിയങ്കം നടക്കുന്നുവെന്ന വിവരത്തെ തുടര്‍ന്ന് എത്തിയതായിരുന്നു മഞ്ചേശ്വരം എസ്.ഐ.യും സംഘവും. ധര്‍മ്മനഗറിലെ ഗ്രൗണ്ടിലായിരുന്നു കോഴിയങ്കം. പൊലീസിനെ കണ്ടതോടെ സംഘം കോഴികളെ ഉപേക്ഷിച്ച് രക്ഷപ്പെടുകയായിരുന്നു. അതിനിടെയാണ് അങ്കക്കോഴിയെ കസ്റ്റഡിയില്‍ എടുക്കാന്‍ ശ്രമിക്കുന്നതിനിടെ സനലിന് മുറിവേറ്റത്. കോഴിയുടെ കാലില്‍ കെട്ടിയ മൂര്‍ച്ഛയേറിയ വാള്‍ കയ്യില്‍ തട്ടുകയായിരുന്നു. സഹപ്രവര്‍ത്തകരാണ് ആസ്പത്രിയില്‍ എത്തിച്ചത്.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക