മഞ്ചേശ്വരം: (www.mediavisionnews.in) മഞ്ചേശ്വരം ഉപതിരഞ്ഞെടുപ്പിലെ വോട്ടെണ്ണൽ വ്യാഴാഴ്ച നടക്കും. രാവിലെ എട്ടുമുതൽ പൈവളിഗെ നഗർ ഗവ.ഹയർ സെക്കൻഡറി സ്‌കൂളിലാണ് വോട്ടെണ്ണൽ. അഞ്ച് പോസ്റ്റൽ വോട്ടുകൾ മാത്രമാണ് കിട്ടിയിട്ടുള്ളത്. അത് എണ്ണിക്കൊണ്ടാണ് തുടക്കം. അരമണിക്കൂറാകുന്നതോടെ നിലയറിയാൻ കഴിയും. രണ്ട് മണിക്കൂറിനുള്ളിൽ മുഴുവൻ വോട്ടും എണ്ണി ഔദ്യോഗികപ്രഖ്യാപനം നടത്താനാകുമെന്നാണ് പ്രതീക്ഷിക്കുന്നതെന്ന് റിട്ടേണിങ് ഓഫീസർ എൻ.പ്രേമചന്ദ്രൻ പറഞ്ഞു.
വിവിപാറ്റിലെ മുഴുവൻ വോട്ടും എണ്ണിക്കഴിഞ്ഞതിനുശേഷം നറുക്കിട്ടെടുക്കുന്ന അഞ്ച് ബൂത്തുകളിൽനിന്നുള്ള സ്ലിപ്പും എണ്ണും. അതിനുശേഷമായിരിക്കും ഔദ്യോഗികപ്രഖ്യാപനം.
പൈവളിഗെ നഗർ സ്‌കൂളിൽ കനത്ത സുരക്ഷയിലാണ് വോട്ടിങ് യന്ത്രങ്ങൾ സൂക്ഷിച്ചിട്ടുള്ളത്.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക