തിരുവനന്തപുരം: (www.mediavisionnews.in) എം.സി ഖമറുദ്ധീൻ മഞ്ചേശ്വരം എംഎൽഎ ആയി സത്യപ്രതിജ്ഞ ചെയ്തു. കന്നഡയിലാണ് എം.സി സത്യപ്രതിജ്ഞ നടത്തിയത്. എം സി ഖമറുദ്ദീന്റെ ഭാര്യയും മക്കളും അടക്കമുള്ളവർ സത്യപ്രതിജ്ഞ കാണാൻ നിയമസഭയിലെത്തിയിരുന്നു. മുസ്ലിം ലീഗ് സംസ്ഥാന ട്രഷറർ സി ടി അഹ്മദലി, ജില്ലാ ആക്ടിംഗ് പ്രസിഡണ്ട് ടി ഇ അബ്ദുല്ല, ജനറല്‍ സെക്രട്ടറി എ അബ്ദുര്‍ റഹ് മാന്‍, മഞ്ചേശ്വരം മണ്ഡലം ഭാരവാഹികള്‍, കെപിസിസി ജനറല്‍ സെക്രട്ടറി കെ പി കുഞ്ഞിക്കണ്ണന്‍, ഡിസിസി പ്രസിഡണ്ട് ഹക്കീം കുന്നില്‍, പി കെ ഫൈസല്‍ തുടങ്ങിയ യുഡിഎഫ് നേതാക്കളും ചടങ്ങിന് സാക്ഷ്യം വഹിച്ചു.
വി കെ പ്രശാന്ത് (വട്ടിയൂര്‍കാവ്), ഷാനിമോള്‍ ഉസ്മാന്‍ (അരൂര്‍), കെ യു ജനീഷ് കുമാര്‍ (കോന്നി), ടി ജെ വിനോദ് (എറണാകുളം) എന്നിവരും എംഎല്‍എമാരായി സത്യപ്രതിജ്ഞ ചെയ്തു.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക