ദില്ലി (www.mediavisionnews.in) :ഇന്ത്യന്‍ ടീമില്‍ നിന്നും പുറത്തായ യുവസ്പിന്നര്‍മാരായ യുസ് വേന്ദ്ര ചഹലിനേയും കുല്‍ദീപ് യാദവിനേയും ടീമിലേക്ക് തിരികെവിളിക്കണമെന്ന് മുന്‍ ഇന്ത്യന്‍ നായകന്‍ സൗരവ് ഗാംഗുലി. ഇരുവരേയും താല്‍കാലികമായി മാത്രം പുറത്തിരുത്തി എന്ന് വിശ്വസിക്കാനാണ് താന്‍ ഇഷ്ടപ്പെടുന്നതെന്നും ഗാംഗുലി കൂട്ടിചേര്‍ത്തു.
അടുത്ത വര്‍ഷം നടക്കുന്ന ടി20 ലോകകപ്പില്‍ ഇരുവരും കളിക്കുമെന്നാണ് തന്റെ പ്രതീക്ഷയെന്നും ഗാംഗുലി പറയുന്നു. ഒരു ഇംഗ്ലീഷ് പത്രത്തിലെഴുതിയ തന്റെ കോളത്തിലാണ് ഗാംഗുലി ഇക്കാര്യങ്ങള്‍ കുറിച്ചത്.
ടി20യില്‍ യുസ്‌വേന്ദ്ര ചാഹല്‍ ഇന്ത്യയുടെ നിര്‍ണായക താരമാണമെന്നും മറ്റുളളവര്‍ക്ക അവസരം നല്‍കാനാണ് അദ്ദേഹത്തെ പുറത്തിരിത്തിയിരിക്കുന്നത് എന്ന വിശ്വസിക്കാനാണ് തനിക്കിഷ്ടമെന്നും ഗാംഗുലി പറയുന്നു. രവീന്ദ്ര ജഡേജ ,ക്രൂനാല്‍ പാണ്ഡ്യ എന്നിങ്ങനെ രണ്ട് ഇടംകൈയ്യന്‍ സ്പിന്നര്‍മാരെ ഒന്നിച്ചു കളിപ്പിക്കേണ്ട ആവശ്യമില്ലെന്നും ഗാംഗുലി നിരീക്ഷിക്കുന്നു.
ലോകകപ്പില്‍ മികവ് കാട്ടാതിരുന്ന കുല്‍ദ്ദീപും ചാഹലും വെസ്റ്റിന്‍ഡീസിനെതിരെ ഒരു ഏകദിനം കളിച്ചിരുന്നു. വെസ്റ്റിന്‍ഡീസിനും ദക്ഷിണാഫ്രിക്കയക്കും എതിരായ ടി20യില്‍ ഇരുവരും കളിച്ചിരുന്നില്ല.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.