മലപ്പുറം: (www.mediavisionnews.in) ഉപതെരഞ്ഞടുപ്പ് നടക്കുന്ന മഞ്ചേശ്വരത്തെ യു.ഡി.എഫ് സ്ഥാനാര്‍ത്ഥിയെ രണ്ട് ദിവസത്തിനകം സംസ്ഥാന പ്രസിഡന്റ് പ്രഖ്യാപിക്കുമെന്ന് സാദിഖലി ശിഹാബ് തങ്ങള്‍. മുസ്‌ലിം ലീഗിന്റെ മണ്ഡലമാണ് മഞ്ചേശ്വരമെന്നും സമ്പൂര്‍ണ വിജയപ്രതീക്ഷയുണ്ടെന്നും അദ്ദേഹം പറഞ്ഞു. എം.എല്‍.എ ആയിരുന്ന പി.ബി അബ്ദുല്‍ റസാഖ് അന്തരിച്ചതിനെ തുടര്‍ന്നാണ് മഞ്ചേശ്വരത്ത് ഉപതെരഞ്ഞെടുപ്പ് നടക്കുന്നത്.
പ്രാദേശിക ഘടകങ്ങളെക്കൂടി പരിഗണിച്ചാകും സ്ഥാനാര്‍ഥി നിര്‍ണയമെന്ന് പി.കെ കുഞ്ഞാലിക്കുട്ടി പറഞ്ഞു. സ്ഥാനാര്‍ഥി ചര്‍ച്ചകള്‍ക്കായി കെ.പി.സി.സി തെരഞ്ഞെടുപ്പ്സമിതി നാളെ ചേര്‍ന്നേക്കും. യു.ഡി.എഫ് യോഗവും ഉടനെ ചേരും. തിരുവനന്തപുരം മസ്കറ്റ് ഹോട്ടലില്‍ ലീഗിന്റെ ഉന്നതാധികാര സമിതിയിലെ പ്രധാന അംഗങ്ങള്‍ യോഗം ചേര്‍ന്ന് മഞ്ചേശ്വരത്തെ സ്ഥാനാര്‍ഥി സംബന്ധിച്ച നിര്‍ണായക ചര്‍ച്ചകള്‍ നടത്തി. ലീഗ് ജില്ലാ പ്രസിഡണ്ട് എം.സി ഖമറുദ്ദീന്‍, യുവനേതാവ് എ.കെ.എം അഷ്റഫ് എന്നിവരാണ് പരിഗണനയില്‍.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.