കുമ്പള: (www.mediavisionnews.in) ബന്തിയോട് നിന്നും തട്ടിക്കൊണ്ട് പോയ യുവാവിനെ മോചിപ്പിച്ചു. ബന്തിയോട് ഷിറിയ സ്വദേശി അബൂബക്കർ സിദ്ദിഖിനെയാണ് രക്ഷപ്പെടുത്തിയത്.
ഇന്ന് രാത്രി എട്ടരയോടെയാണ് അബൂബക്കർ സിദ്ധീഖിനെ ഒരു സംഘം തട്ടിക്കൊണ്ടുപോയത്. പൊലീസ് പിന്തുടർന്നതോടെ അതിർത്തി പ്രദേശത്ത് സിദ്ധീഖിനെ ഉപേക്ഷിച്ച പ്രതികൾ രക്ഷപ്പെടുകയായിരുന്നു. കർണാടക അതിർത്തിയായ സുങ്കതകട്ടയിൽ വച്ച് നാട്ടുകാരും പൊലീസും ചേർന്ന് സിദ്ദിഖിനെ രക്ഷപ്പെടുത്തിയത്.
സിദ്ദിഖിനെ തട്ടിക്കൊണ്ടുപോയ കാർ പൊലീസ് കസ്റ്റഡിയിലെടുത്തു. പള്ളിയിൽ നിന്ന് മടങ്ങുമ്പോൾ കർണാടക രജിസ്ട്രേഷൻ കാറിലെത്തിയ സംഘമാണ് സിദ്ദിഖിനെ തട്ടിക്കൊണ്ടുപോയത്. സിദ്ദിഖിന്റെ സഹോദരൻ ഉൾപ്പെട്ട കുഴൽപ്പണ ഇടപാടാണ് സംഭവത്തിന് പിന്നിലെന്ന് സൂചന.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.