ഉപ്പള: (www.mediavisionnews.in) മൂസോടിയിൽ കടൽക്ഷോഭം രൂക്ഷമാകുന്നു. മൂന്ന് കുടുംബങ്ങളെ സ്‌കൂളിലേക്ക് മാറ്റിതാമസിപ്പിച്ചു. മൂസോടിയിലെ അബ്ബാസ്, നഫീസ, മുഹമ്മദ് അഷ്‌റഫ്, മജീദ് എന്നി കുടുംബങ്ങളെയാണ് മാറ്റി താമസിപ്പിച്ചത്. ഇവരുടെ വീടുമായി മൂന്ന് മീറ്റർ ദൂരത്തിലാണ് കടൽ നിലകൊള്ളുന്നത്. ചില സമയങ്ങളിൽ വീടുകളിലേക്ക് തിരമാലകൾ അടിക്കാൻ തുടങ്ങിയതോടെയാണ് മാറ്റി താമസിപ്പിച്ചത്. ഇന്നലെ വൈകിട്ട് ഉപ്പള വില്ലേജ് ഓഫീസർ കെ.എം അനിൽകുമാറിന്റെ നേതൃത്വത്തിലുള്ള സംഘമാണ് മൂന്ന് കുടുംബങ്ങളെ മൂസോടി സ്‌കൂളിലേക്ക് മാറ്റി താമസിപ്പിച്ചത്.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.