മംഗളൂരു (www.mediavisionnews.in): വിദേശ കറൻസി കടത്താൻ ശ്രമിച്ച ദുബായിലെ യാത്രക്കാരനെ മംഗളൂരു അന്താരാഷ്ട്ര വിമാനത്താവളത്തിലെ സി.ഐ.എസ്.എഫ് ഉദ്യോഗസ്ഥർ അറസ്റ്റ് ചെയ്തു. തിങ്കളാഴ്ച രാവിലെ സ്‌പൈസ് ജെറ്റ് ഫ്ലൈറ്റ് നമ്പർ എസ്‌ജി -59 ൽ കയറേണ്ടിയിരുന്ന യാത്രക്കാരിൽ നിന്ന് പതിനായിരം യുഎസ് ഡോളർ കറൻസി അധികൃതർ പിടിച്ചെടുത്തു. സെക്യൂരിറ്റി ചെക്കിംഗ് കൗണ്ടറിൽ നടത്തിയ പരിശോധനയിൽ യാത്രക്കാരന്റെ കയ്യിൽ നിന്ന് യുഎസ് ഡോളർ കണ്ടെത്തിയ സിഐഎസ്എഫ് ഉദ്യോഗസ്ഥർ യാത്രക്കാരനെ കസ്റ്റഡിയിലെടുത്തു. കറൻസി പോക്കറ്റിലും ഹാൻഡ്‌ബാഗിലുമായാണ് കടത്താൻ ശ്രമിച്ചത്. കൂടുതൽ ചോദ്യം ചെയ്യലിനും അന്വേഷണത്തിനുമായി പ്രതിയെ കസ്റ്റംസ് ഉദ്യോഗസ്ഥർക്ക് കൈമാറി.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.