മഞ്ചേശ്വരം: (www.mediavisionnews.in) മജിർപള്ള കോളിയൂരിൽ നിന്നും കുട്ടിയെ തട്ടികൊണ്ടുപോയതിന് പിന്നിലെ അധോലോക പ്രവർത്തനത്തെ സംബധിച്ച് സമഗ്ര അന്വേഷണം നടത്തണമെന്ന് മുസ്ലിം യൂത്ത് ലീഗ് മഞ്ചേശ്വരം മണ്ഡലം പ്രസിഡണ്ട് സൈഫുള്ള തങ്ങൾ, ജനറൽ സെക്രട്ടറി ഗോൽഡൻ അബ്ദുൽ റഹ്മാൻ പത്ര പ്രസ്താവനയിൽ പറഞ്ഞു. കൂട്ടിയെ കണ്ടെത്തുവാൻ പോലീസിന് സാധിക്കാത്തത് മഞ്ചേശ്വരം പോലീസിന്റെ ക്യത്യവിലോപമാണ്. കുട്ടിയെ തട്ടികൊണ്ട് പോയതിന്റെ പിന്നിലെ നിഗൂഡതകൾ സമഗ്ര അന്വേഷണത്തിലൂടെ പുറത്ത് കൊണ്ട് വരണം. തട്ടികൊണ്ട് പോയവരുടെ ആവിശ്യങ്ങൾ കേൾക്കുമ്പോൾ മനസ്സിലാകുന്നത് കള്ളകടത്ത് സംഘങ്ങൾ തമ്മിലുള്ള കൂടിപകയാണിതിന് കാരണമെന്നാണ്. മഞ്ചേശ്വരം കേന്ദ്രീകരിച്ച് സ്വർണക്കടത്ത് സംഘം തഴച്ച് വളരുന്നതിന്റെ ലക്ഷണമാണ് കാണുന്നത്. പോലീസിന്റെ നിസ്സംഗ മനോഭാവമാണ് ഇത്തരം സംഘങ്ങൾക്ക് വളമാകുന്നത്. സമഗ്രവും സമ്പൂർണവുമായ അന്വേഷണം നടത്തി അധോലോക സംഘത്തെ അടിച്ചമർത്താൻ എസ്.പി യുടെ നേതൃത്വത്തിൽ പ്രത്യേക സംഘത്തെ രൂപീകരിക്കണമെന്ന് യൂത്ത് ലീഗ് ആവിശ്യപ്പെട്ടു.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.