ഉപ്പള(www.mediavisionnews.in): സിറ്റിസണ്‍ സ്പോര്‍ട്സ് ക്ലബ് ഉപ്പള സംഘടിപ്പിച്ച സിറ്റിസണ്‍ ട്രോഫി 2019 സെവന്‍സ് ഫുട്ബോള്‍ ടൂര്‍ണമെന്‍റില്‍ ആഥിതേയരായ സിറ്റിസണ്‍ ഉപ്പള ജേതാക്കളായി. ഉപ്പള മണ്ണംകുഴിയിലെ ഗോള്‍ഡന്‍ അബ്ദുല്‍ ഖാദര്‍ സ്റ്റേഡിയത്തില്‍ നടന്നു വന്ന ടൂര്‍ണമെന്‍റിലെ ഇന്ന് നടന്ന ഫൈനല്‍ പോരാട്ടത്തില്‍ ആഷ് ഉള്ളാളിനെ ഒരു ഗോളിന് കീഴ്പ്പെടുത്തിയാണ് സിറ്റിസണ്‍ ഉപ്പള ജേതാക്കളായത്. ടൂര്‍ണമെന്‍റില്‍ സിറ്റിസണ്‍ ഉപ്പളയെ കൂടാതെ മൊഗ്രാല്‍ ബ്രദര്‍സ്, മിറാക്കിള്‍ കമ്പാര്‍, മാസ്ക്ക് ഉള്ളാള്‍, കവാലി സിറ്റിസണ്‍ ഉപ്പള, യുണൈറ്റഡ് പട്ട്ള, ആഷ് ഉള്ളാള്‍, പുത്തൂരിയന്‍സ് എന്നീ ടീമുകള്‍ പങ്കെടുത്തിരുന്നു.